ભલાઈ અને બુરાઈ-મહેન્દ્ર પુનાતર

પરસ્પરના વહેવારમાં આપણે ગાંઠો બાંધીને બેઠા છીએ. કોઈએ ગાળ દીધી, કોઈએ અપમાન કર્યું, કોઈએ મને હરાવી દીધો, કોઈ મારૂં  લઈ ગયો, કોઈ મને બનાવી ગયો. આ બધી વાતો ભુલાતી નથી. અને બીજા પ્રત્યે ઘૃણા, તિરસ્કાર અને વેરનાં બીજો વવાય છે. પ્રેમ અને ક્ષમા દ્વારા જ પરસ્પરના દિલને જીતી શકાય. જીવનમાં હાર-જીત, જય-પરાજય, ચડતી-પડતી બધું આવ્યા કરે છે. મન પર સંયમ અને ક્ષમતા હોય તો કશુ વિચલિત કરી શકે નહીં. કેટલીક બાબતો ભૂલવા માટે હોય છે. આપણે જે ભૂલી જવું જોઈએ તે યાદ રાખીએ છીએ અને જે યાદ રાખવું જોઈએ તે ભૂલી જઈએ છીએ. કોઈએ સારું કર્યું હોય તે યાદ આવતું નથી પણ કોઈએ બે શબ્દો કહી નાખ્યા તો જીવનભર યાદ રાખીએ છીએ.

માણસ સમય અને સંજોગોને આધીન છે. આપણે બધા અદના માનવીઓ છીએ. ભલાઈ અને બુરાઈ બંને આપણામાં છે. બૂરાઈને, ઊણપોને દૂર કરવા પ્રયાસ થવા જોઈએ. દરેક માણસ ભૂલને પાત્ર છે. જીવનમાં ભૂલો થતી રહે છે, પરંતુ તેમાંથી શીખવાનું હોય છે. વારંવાર ભૂલો કરતા રહીએ તો તેને અર્થ એ થયો કે આપણે આપણા અનુભવમાંથી કશું શીખવા માગતા નથી. જીવન એ મોટી પ્રયોગશાળા છે. જીવનમાં થોડા ઉદાત્ત સિદ્ધાંતો અને ભાવનાઓને મનમાં ઉતારીએ, પરસ્પર સહિષ્ણુ બનીએ, પ્રેમ અને કરુણા વહાવીએ તો જીવનાં કદી દુ:ખ અને સંતાપ રહેશે નહીં. આપણે આપણી તરફ નજર રાખવાની છે. બીજો શું કરે છે તેની ચિંતામાં પડવાની જરૂર નથી. કોઈની ક્ષતિ, કોઈની ભૂલ, કોઈનું દૂષણ આવી શુદ્રતાને શોધીને અભિમાન લેવાની અને પોતાને સારા કહેવરાવવાથી કશું વળશે નહીં. આપણે બીજાના દોષો એટલા માટે જોઈએ છીએ જેથી આપણી ઊણપો ઢંકાઈ જાય. આ રીતે આપણે આપણી જાતને છેતરી રહ્યાં છીએ. બીજાના રાઈ જેટલા દોષો આપણી નજરમાં આવે છે, પણ આપણા મોટા દોષો આપણને દેખાતા નથી. બીજાના દોષો જોવાના હોય ત્યારે આપણે ન્યાયાધીશ બની જઈએ છીએ. આપણી દૃષ્ટિ શુભ તરફ હોવી જોઈએ. દરેક માણસમાં કાંઈક સારું અને શુભ પડેલું છે. શુભનું ચિંતન આપણને ગુણાનુરાગ તરફ લઈ જાય છે. નકારાત્મક વિચારધારા માણસને જીવનથી વિમુખ બનાવે છે. તેને કશું સારું દેખાતું નથી. દરેક વાતમાં વાંધાવચકા કાઢે છે. કોઈ બાબતમાં સંતોષ થતો નથી. આવા માણસોને પોતાના સિવાય બીજું કોઈ સારું લાગતું નથી.

સૌજન્ય : મુંબઈ સમાચાર

Birth Anniversary (23-08)

1 ) Doshi Vimal Vikramchand
2 ) Gholani Nirupama Kumudchandra Maganlal
3 ) Shah Nila Abhay Navinchandra
4 ) Mehta Ketan Chandulal
5 ) Parekh Dipal Haresh Kantilal
6 ) Parekh Binoy Ashok Rupchand
7 ) Gosalia Nilu Rajiv
8 ) Shah Ronak Jitendra Rasiklal
9 ) Shah Anjana Abhay Vinodrai
10) Sheth Sharda Mahendra




MVJSAMAJ

10 Life Hacks You Need To Know For Summer

10 amazing tips and tricks you can use to impress your friends, and make your summer a little easier.

Birth Anniversary (22-08)

To,
1 ) Doshi Tejas Ashok Chimanlal
2 ) Doshi Bhalesh Gunvantrai Abhechand
3 ) Gardi Rupa Naresh Chhabildas
4 ) Mehta Hiren Vinod Ujamshi
5 ) Mehta Beena Bipin TRambaklal
6 ) Mehta Moksha Sanat Shamaldas
7 ) Mehta Hinal Rohit Kantilal Mansukhlal
8 ) Parekh Forum Pankaj Umedchand
9 ) Chheda Hema Vinod
10) Sanghvi Mahendra Vallabhdas
11) Shah Rupesh Kamlesh Jamnadas
12) Shah Manilal Hakemchand
13) Sheth Surekha Jevatlal
14) Sheth Jignesh Pravinchandra Nimchand
15) Sheth Ketan Ambalal Dahyalal
16) Trevadia Kalpana Bhavesh Mulchand




From : MVJSAMAJ

મારા પોતાના જ પ્રશ્નો છે એટલે મને મૂંઝવે છે – ભૂપત વડોદરિયા

[ પંચામૃત શ્રેણીના ‘અભિષેક’ પુસ્તકમાંથી સાભાર.]
એક નિવૃત્ત સરકારી અધિકારીએ પ્રશ્ન કર્યો : વર્ષો સુધી સરકારમાં રહ્યા અને અન્ય લોકોના પ્રશ્નો સાંભળ્યા અને તેનો કોઈને કોઈ ઉકેલ કે જવાબ રજૂ કર્યો તેમાં મારી ફરજનો મુદ્દો હતો. એમાં અંગત રીતે હું ક્યાંય સંડોવાયેલો નહોતો. પણ હવે મને લાગે છે કે મારી સામે પ્રશ્નો ને પ્રશ્નો જ છે. એ બધા જ પ્રશ્નો મારા પોતાના, મારા કુટુંબના છે અને તેનો વિચાર કરવા બેસું ત્યારે પેલી અધિકારીની તટસ્થતા કે નિર્મમતા ખપમાં આવતી નથી.
મારી એક પુત્રી છે. મેં તેને વધુ અભ્યાસ માટે પરદેશ મોકલી હતી. ત્યાં એક યુવકના પ્રેમમાં પડી અને એટલી મોહવશ બની ગઈ કે તેની સાથે તેણે લગ્ન કરી લીધાં. લગ્નને એક સપ્તાહ પણ વીત્યું નહીં હોય ત્યાં એક નજીવું કારણ આગળ કરીને તેનો પતિ ચાલ્યો ગયો. મારી પુત્રીએ તેની શોધખોળ કરવા માંડી અને એનો ન્યુ જર્સીમાં એક સ્થળે ભેટો થઈ ગયો. તેની જોડે કોઈ બીજી યુવતી હતી અને એ યુવકે મારી પુત્રીને ઓળખવા સુધ્ધાંની ના પાડી. મારી પુત્રીએ તો એ યુવક સાથે એક મંદિરમાં કે દેવળમાં લગ્ન કર્યાં હતાં. મારી પુત્રીને આઘાત લાગ્યો અને એ તીવ્ર ડિપ્રેશનનો ભોગ બની. જાતે જઈને અમે તેને દેશમાં લઈ આવ્યાં. એ એટલી બધી હતોત્સાહ થઈ ગઈ છે – કોઈ કોઈ વાર તો શંકા પડે કે મગજની સમતુલા તો ગુમાવી નહીં બેસે ને ?
મારી એ દુઃખી પુત્રી મને વારંવાર પ્રશ્ન કર્યા કરે છે : ‘પપ્પા, પ્રેમ શું છે ? પુરુષનો પ્રેમ શું છે ? સ્ત્રીનો પ્રેમ શું છે ? એમાં તફાવત શું છે ? પુરુષના પ્રેમમાં તો જાણે કોઈ અંધારી રાતે ક્યાંક રાતવાસો કરીને સવાર પડતાં ચાલ્યો જાય એવું નથી બનતું ? સ્ત્રીનો પ્રેમ તો ઘરનું દેવસ્થાન કે પાણિયારું હોય છે કે નહીં ? પુરુષ પોતાની પાટી ઉપર કાંઈક લખે અને ભૂંસી પણ નાંખે. પણ સ્ત્રી માટે તો એ મુદ્દલ સાચું નથી ને ? એ યુવકે મને શીલભંગ કરી તેનું મને દુઃખ નથી. પણ મારા કિસ્સામાં તો તેણે માત્ર મને શીલભંગ નથી કરી – એણે તો મારું મન જ ભાંગી નાંખ્યું છે. મારું ટટ્ટાર વ્યક્તિત્વ જાણે કમરથી ઝૂકી ગયું છે. નવું જીવન જીવવાનો – શરૂ કરવાનો કોઈ ઉત્સાહ-ઉમંગ ક્યાંય રહ્યો નથી.’ દીકરી માર્ગદર્શન માંગે છે એટલે હું તેને કહું છું કે મારા ધ્યાનમાં બે-ત્રણ યુવકો છે- ગુણવાન છે. મારા વિશ્વાસપાત્ર છે. તારી વાત પૂરેપૂરી રજેરજ સાંભળ્યા પછી પણ તને સ્વીકારવા તૈયાર થશે અને હાથમાં ફૂલની જેમ રાખશે. પણ દીકરી કશો નિર્ણય કરી શકતી નથી. એક વાર એની વાત કાઢીને મેં પ્રશ્ન કર્યો : ‘બેટા, તું સમજદાર છે, બુદ્ધિશાળી છે. હું તને જ પૂછું છું કે તારે હવે શું કરવું છે ? તું આમ નિષ્ક્રિય સૂનમૂન બેસી રહીને શું કરીશ ? ગળાટૂંપો ખાધા વગર આ એક ગળાટૂંપો જ નથી ? તું શેની રાહ જુએ છે ?’ પુત્રીએ નિખાલસપણે જવાબ આપ્યો. દીકરીએ કહ્યું, ‘સાચું કહું છું કે મને હજુ એવી આશા છે કે તેને પસ્તાવો થશે અને મારી પાસે તે પાછો આવશે. મને થાય છે કે અમે બંને દુર્ભાગ્યનો ભોગ બન્યાં છીએ. એ ચોક્કસ પસ્તાશે અને પાછો ફરશે. પપ્પા, તમે શું માનો છો ?’
હું પુત્રીને શું કહું ? ખોટા આશ્વાસનના થોડા શબ્દો કહું કે કડવું વખ સત્ય કહું ? દીકરી, સ્ત્રીઓ જેટલી સંવેદનશીલ હોય છે એટલા સંવેદનશીલ આ જમાનામાં પુરુષો હોતા નથી. પુરુષો ઘણા બધા સારા, માયાળુ અને ગુણવાન પણ હોય છે, પણ એ જ રીતે ઘણા બધા પુરુષો સ્ત્રીને ભોગવે છે અને પછી તેને એઠું પતરાળું ગણીને ફેંકી દે છે. પુરુષને માટે એ વાસના-તૃપ્તિની એક તક છે. સ્ત્રીને માટે મનમાં ઘૂંટેલા સુખી સંસારનું એક ઉઘાડી આંખનું સ્વપ્ન હોય છે. બેટા, નવું જીવન શરૂ કર. ભૂતકાળને ભૂલી જા, ક્યાંક દફનાવી દે. આવતીકાલ ગઈકાલનું પુનરાવર્તન જ હોય એવું નથી હોતું. શુભમાં-મંગલમાં શ્રદ્ધા રાખ. જે ગયું તે ગયું. હવે જિંદગીનો એક નવો અધ્યાય શરૂ કરવા તત્પર બન.
કોઈ પણ માણસ વિચારે તો આ નિવૃત્ત અધિકારીના ખ્યાલો સાથે સંમત થયા વગર રહી ના શકે. જે સમય વીતી ગયો – સારો કે માઠો – તેને ભવિષ્યની છાયારૂપે જોવાની જરૂર નથી. સવારે માણસ ઊંઘમાંથી ઊઠે, ત્યારે નવા જીવનની એ શરૂઆત છે તેમ સમજવું જોઈએ. દરેક પ્રભાત એક નવી જિંદગીનો આરંભ બને છે. કેટલાક માણસો રાત્રિની ઊંઘમાં જ આ સંસાર છોડીને ચાલ્યા જાય એવું પણ બને છે. પરમાત્માએ સવારે તમને તાજામાજા જગાડ્યા – એટલે તમને એક નવી જિંદગીનું વરદાન આપ્યું તો તેને વધાવી લેવું જોઈએ. વરદાનને સાચા અર્થમાં વરદાન બનાવવું જોઈએ
સૌજન્ય : રીડ ગુજરાતી

Birth Anniversary (21-08)

To,
1 ) Doshi Mahesh Vikramchand
2 ) Doshi Savitaben Trambaklal
3 ) Gandhi Himanshu Madhusudan Lalchand
4 ) Khandor Payal Vipul Bhupendra Lalchand
5 ) Mehta Vimal Hasmukh Ambavidas
6 ) Mehta Soven Haresh Vadilal
7 ) Mehta Leena Deepak Indulal Umedchand
8 ) Mehta Virendra Pravinchandra
9 ) Shah Shefali Salil
10) Mehta Khushi Mitesh Mahendra Vadilal
11) Parekh Aatish Anil Jayantilal
12) Shah Manali Jayen Ramesh Maganlal
13) Shah Samir Rajendra Maganlal
14) Mehta Vaishali Hiren
15) Shah Rajul Manoj Dhirubhai


From : MVJSAMAJ

Mini Pulls Off Worlds First Successful Car Backflip

French Rally Raid world champion, Guerlain Chicherit takes a John Cooper Works Mini Countryman and makes it do a backflip.

Birth Anniversary (20-08)

To,
1 ) Doshi Swati Dharmesh Amrutlal
2 ) Doshi Sonal Nishit Rasiklal
3 ) Patel Jagruti Ashok Jayantilal
4 ) Gholani Alpa Nikhil Kumudchandra Maganlal
5 ) Lodaria Vidhi Karan Naresh Amrutlal
6 ) Mehta Manan Jatin Rajnikant
7 ) Mehta Meghna Ajit Kantilal Rajpal
8 ) Mehta Pragna Bhagirath Shirishchandra Bhogilal
9 ) Solani Nayna Mukeh Fatehchand
10) Parekh Priyal Viral Gunwantrai Vrajlal
11) Sanghvi Narendra Chhaganlal
12) Sanghvi Shreyas Pankaj Kasturchand
13) Shah Devang Lalitrai Manilal
14) Late Shah Navalchand Mulchand
15) Shah Daksha Sharad Navalchand Mulchand
16) Solani Asha Rajesh Fatechand
17) Vakhariya Jitendra Kantilal
18) Vora Prachi Vijay Girdharlal



From : MVJSAMAJ

હાસ્યની ફૂલકણી – સંકલિત

કોલેજના ક્લાસમાં વાંદરો આવીને બારી ઉપર બેઠો – એ જોઈ એક છોકરી બોલી :
‘સર, તમારા ભાઈ આવ્યા…’
સર : ‘બેન, જમાનો બદલાય ગયો છે, હવે તો નામથી બોલાવાય…!!
******
છોકરો : ‘તમે છોકરીઓ આટલી સુંદર કેમ હોવ છો ?’
છોકરી : ‘એ તો ભગવાને અમને એમના પોતાના હાથે બનાવી છે ને એટલે.’
છોકરો : ‘જા…જા અવે, વાતો તો એવી કરે છે કે જાણે છોકરાઓને તો નેટ પરથી ડાઉનલોડ કર્યા હોય !’
******
‘જિંદગીની સૌથી વિચિત્ર ક્ષણ કઈ છે ?’
‘જ્યારે તમે સ્મશાનમાં હોવ અને તમારા મોબાઈલમાં રીંગ વાગે, જેનો રીંગટોન હોય…. ‘ઈટ્સ ટાઈમ ટુ ડિસ્કો !!’
******
શિક્ષક : ‘ટેબલ પર ચાર માખીઓ હતી. તેમાંથી એક મેં મારી નાખી. હવે ટેબલ પર કેટલી માખી હશે ?’
વિદ્યાર્થીની : ‘એક જ. મરેલી માખી.’
******
શેઠાણી : ‘જો હું તારા ભરોસે ઘર છોડી થોડા દિવસ બહારગામ જાઉં છું. બધી ચાવીઓ અહીં જ છે. ધ્યાન રાખજે.’
શેઠાણી પરત આવ્યા બાદ.
નોકરાણી : ‘મેડમ, હું તમારું કામ છોડું છું. તમને મારામાં વિશ્વાસ નથી. તમે જે ચાવી મૂકી ગયાં હતાં તે કબાટને લાગતી નથી.’
******
નોકરિયાત : ‘મને પગાર વધારો કરી આપો. મારી પાછળ ત્રણ કંપનીઓ પડી છે.’
શેઠ : ‘અચ્છા, કઈ કંપનીઓ છે ?’
નોકરિયાત : ‘ટેલિફોન, ઈલેક્ટ્રિક અને ગેસ કંપની.’
******
ડૉક્ટર : ‘મોટાપાનો ફક્ત એક જ ઈલાજ છે કે તમે રોજ ફક્ત બે જ રોટલી ખાઓ.’
સંતા : ‘પણ એ બે રોટલી ખાધા પછી ખાવાની કે ખાતા પહેલા ?’
******
લગ્નની રાતે બિચારો સન્તા ભારે મુંઝવણમાં મુકાઈ ગયો કે નવી નવી પત્ની જોડે વાત શું કરવી ?
આખરે અડધો કલાક વિચાર્યા પછી એણે પૂછ્યું : ‘આપ કે ઘરવાલોં કો માલુમ હૈ ના, કિ આજ રાત આપ ઈધર રહનેવાલી હો ?’
******
દિકરી (મમ્મીને ફોન પર) : ‘મમ્મી, મારા હસબન્ડ જોડે મારો ઝઘડો થઈ ગયો. હું ઘરે પાછી આવું છું.’
મમ્મી : ‘તારા પતિને સુખ નહિ, સજાની જરૂર છે. તું ત્યાં જ રહે, હું તારા ઘરે રહેવા આવું છું !’
******
‘સુંદર રાત્રિ અને ભયાનક રાત્રિમાં ફેર શું ?’
‘સુંદર રાત્રિ એ કે જ્યારે તમે તમારા ટેડીબેરને વ્હાલથી બાથ ભરીને સૂઈ ગયા હોવ અને ભયાનક રાત્રિ એ કે જ્યારે તમારું ટેડીબેર તમને સામેથી બાથ ભરે !’
******
પપ્પા (દિકરાને) : ‘તું નાપાસ કેમ થયો ?’
દિકરો : ‘શું કરું, પપ્પા ? 50 GB સિલેબસ હતો….. 50 MBનો મેં સ્ટડી કરેલો…. એમાંથી 5 KBના સવાલોના જવાબ લખેલા તો માર્ક Bytesમાં જ મળેને ?’
******
‘સવારે લાઈબ્રેરી કેટલા વાગે ખૂલશે ?’
‘સાડા આઠ વાગે. પણ આટલી મોડી રાતે તમે કોણ છો ? અને ક્યાંથી ફોન કરો છો ?’
‘હું એક વાચક છું અને લાઈબ્રેરીની અંદરથી ફોન કરું છું.’
******
પત્નીએ નવું સિમ-કાર્ડ ખરીદ્યું. પતિને સરપ્રાઈઝ આપવા માટે, કિચનમાં જઈને એણે મેસેજ કર્યો : ‘હાય ડાર્લિંગ….’
પતિનો તરત જવાબ આવ્યો : ‘તને થોડીવારમાં ફોન કરું છું…. પેલી ડાકણ કિચનમાં છે….’
******
પંજાબ નેશનલ બેન્કે બન્તાને નોટિસ મોકલી :
‘યોર બેલેન્સ ઈઝ આઉટ સ્ટેન્ડિંગ….’
બન્તાએ તરત જવાબ આપ્યો : ‘થેન્ક્સ ફોર ધ કોમ્પ્લીમેન્ટ્સ !’
******
પ્રેમી : ‘તારા જન્મદિવસે હું તારા વર્ષ જેટલાં ફૂલોનો બુકે ભેટ મોકલીશ.’
પ્રેમીએ 21 ગુલાબનાં ફૂલો પ્રેમિકાના ઘરે પહોંચાડવાનો ઓર્ડર આપ્યો.
ફૂલવાળાએ ગ્રાહકને ખુશ કરવા એક ડઝન ગુલાબ પોતના તરફથી ઉમેરીને મોકલ્યાં.
પ્રેમીને સમજાયું જ નહીં કે પ્રેમિકાએ એની સાથે સંબંધ કેમ કાપી નાખ્યો !
******
‘તારી પાસે ઈન્ટરનેટ કનેકશન છે ?’
‘ના… એ શું વળી ? એમ કર, મને એ પેન ડ્રાઈવમાં કોપી કરીને આપી દે…’
******
મા : ‘બેટા શું કરે છે ?’
દીકરો : ‘વાંચું છું.’
મા : ‘વાહ ! શું વાંચે છે ?’
દીકરો : ‘તારી ભાવિ પુત્રવધૂનો એસએમએસ !’
******
શાકાહાર માટેનું ચિહ્ન બતાવતાં શિક્ષકે બાળકને પૂછ્યું : ‘આ પારલે-જી બિસ્કિટના પેકેટ પર લીલા કલરનું ટપકું છે એ શું દર્શાવે છે ?’
બાળક : ‘મેડમ…. એનો અર્થ એ છે કે પારલે-જી અત્યારે ઓનલાઈન બેઠા છે !’
******
એક શિક્ષકે કલાસરૂમમાં મંત્રીના દીકરાને પ્રશ્ન પૂછ્યો.
શિક્ષક (મંત્રીના દીકરાને) : ‘દુકાળ અને પૂરમાં શું તફાવત હોય છે ?’
મંત્રીનો દીકરો : ‘જમીન-આસમાનનો.’
શિક્ષક : ‘કેવી રીતે ?’
મંત્રીનો દીકરો : ‘દુકાળમાં મારા પપ્પા જીપમાં સ્થળની મુલાકાત લે છે, જ્યારે પૂરમાં હેલિકોપ્ટરમાં…!!’
******
ન્યુયોર્કથી રામજીભાઈનો ફોન આવ્યો :
‘હેલ્લો… મોટાભાઈ, અહીંયા આજે સવારે જેન્તીકાકાનું અવસાન થયું છે. એમની ડેડબોડી કોફિનમાં મોકલું છું, કોફિનમાં ઓશિકા નીચે તમારા માટે બે જીન્સ છે, નાના ખિસ્સામાં ડાયમંડની રિંગ છે. જેન્તીકાકાની બોડીના હાથે રોડોની ઘડીયાળ છે તે પ્રવિણકાકા માટે છે અને પગમાં રીબોકના શુઝ છે તે ધવલ માટે છે. પિંકીની મેકઅપ કીટ જેન્તીકાકાના શર્ટમાં છે અને સુટના ખિસ્સામાં આઈ-ફોન અને બ્લેકબેરી છે !
બીજું કાંઈ મંગાવુ હોય તો જલદી કહેજો !
રમાકાકી પણ સિરિયસ છે !’
******
સૌજન્ય : રીડ ગુજરાતી

Birth Anniversary (19-08)

To
1 ) Maniar Yogesh Jayantilal
2 ) Mehta Rupal Deepak Trambaklal
3 ) Mehta Bhagirath Shirishchandra Bhogilal
4 ) Patel Aadish Jatin Panachand
5 ) Sanghvi Pravinchandra Maneklal
6 ) Sanghvi Priya Bipin Ratilal
7 ) Shah Ankur Paresh Hasmukhrai
8 ) Shah Sunil Chandulal Premchand
9 ) Shah Nirja Ketan Bhupatlal Premchand
10) Sheth Shivani Jayesh Vrajlal
11) Trevadia Kishor Bhaichand



From : MVJSAMAJ

Death

Native :Wankaner
Currently At : Wankaner 

Name of the deceased :Indumatiben Vinodray Shah
Age : 77 Years
Date of Death : 14-08-2013.
Husband  :Vinodray Khushalchand Shah
Daughters : Smita Pareshkumar Shah,Dakshaben Satishkumar Doshi, Toralben Kirtikumar Mehta, Bhavnaben Deepakkumar Sanghavi, Hinaben Deepakkumar Doshi, Pritiben Vinodray Shah, Avani Viralkumar Gandhi

Sister-in-Law (Nanand) : Savitaben Nagindas Mehta

Father : Late Chhotalal Malukchand Patel

Father-in-Law : Late Khushalchand Chatrabhuj Shah

May Her Soul rest in eternal peace

વાંકાનેરના સ્વ. ખુશાલચંદ ચત્રભુજ શાહના પુત્ર વિનોદરાયના પત્ની ઇન્દુમતીબેન (ઉં. વ. ૭૭) તા. ૧૪મીને બુધવારે અરિહંતશરણ પામેલ છે. તે સવીતાબેન નગીનદાસ મહેતાના ભાભી. સ્મીતા પરેશકુમાર શાહ, દક્ષાબેન સતીશકુમાર દોશી, તોરલબેન કીર્તીકુમાર મહેતા, ભાવનાબેન દીપકકુમાર સંઘવી, હિનાબેન દીપકકુમાર દોશી, પ્રીતીબેન વિનોદરાય શાહ, અવની વીરલકુમાર ગાંધીના માતા. પિયર પક્ષે પટેલ છોટાલાલ મલુકચંદના દીકરી. પ્રાર્થનસભા ૧૮મીને રવિવારે વાંકાનેર રાખી છે

Girl Gives Kisses To Lions - Lions Reciprocate

It's not always safe to be near lions, but this young girl has no fear. In fact, she even gives them some kisses that are then returned.

Birth Anniversary (18-08)

To
1 ) Doshi Pratik Divyesh Vikramchand
2 ) Doshi Pradip Kantilal
3 ) Lodaria Manish Shashikant
4 ) Mehta Chandresh Hasmukhrai
5 ) Mehta Kruti Haresh Amulakhrai
6 ) Patel Pragna Dilip Manilal
7 ) Sanghvi Gunvanti Chandrakant
8 ) Sanghvi Bhanumati Kishor Harjivan
9 ) Shah Viral Pinakin Lalbhai
10) Shah Krish Aashish Dinesh Gulabchand
11) Shah Chandresh Harshad Ratilal
12) Shah Dhara Uttamkumar
13) Trevadia Bhavya Abhijit Dineshbhai




From : MVJSAMAJ

Death

Native :Wankaner
Currently At : Dahanu
Name of the deceased :Hasmukhrai Fatehchand Shah
Age : 71 Years
Date of Death : 13-08-2013.
Wife  :Pratibhaben
Sons : Rajesh, Kaushik, Rushabh

Sisters : Kumudben, Manjulaben, Meenaben, Ushaben

Father : Late Fatehchand Dharamshi Shah

Father-in-Law : Late Mansukhlal Virpal Parekh (Kolkata)

May His Soul rest in eternal peace 


વાંકાનેર હાલ દહાણુ સ્વ. ફતેહચંદ ધરમશી શાહના પુત્ર હસમુખરાય (ઉં. વ. ૭૧) તે પ્રતીભાબેનના પતિ. તે રાજેશ, કૌશીક, રૂષભના પિતા. કુમુદબેન, મંજુલાબેન, મીનાબેન, ઉષાબેનના ભાઇ. કલકત્તા નિવાસી સ્વ. મનસુખલાલ વીરપાળ પારેખના જમાઇ ૧૩-૮-૧૩ મંગળવારના અરિહંતશરણ પામેલ છે. ભાવયાત્રા ૧૮-૮-૧૩ને રવિવારના ૧૦ થી ૧૨ સ્થળ: શ્રી સીમંધર સ્વામી જૈન દેરાસર, ઇરાની રોડ, જલારામ મંદીર પાસે, દહાણુ રોડ (વે.). લૌ. વ્ય. બંધ છે.

ખુશી મેળવવાનો સચોટ ઉપાય – નીલમ દોશી

લાગે છે જયારે જીવનમાં કંઇ જ બચ્યું નથી જીવનની એ નવી જ શરૂઆત હોય છે.
ડો. રઇશ મનીયારની આ નાનકડી પંક્તિ બહુ મોટી વાત કહી જાય છે. જીવનમાં નિરાશાના, દુ:ખના, વેદનાના પ્રસંગોની આવનજાવન ચાલતી રહે છે. જીવન કદી એકધારી રીતે વહેતું નથી અને વહેવું પણ ન જોઇએ. જયારે કોઇ નિકટનું સ્વજન અચાનક આપણને છોડીને ચાલ્યું જાય છે, ત્યારે કોઇ આશ્વાસન કામ લાગતા નથી. થોડો સમય તો માનવી ગહન પીડામાં ગરકાવ થઇ જાય છે. અને એ સ્વાભાવિક પણ છે. સ્વજનના ગુમાવ્યાની પીડા આશ્વાસનના કોઇ શબ્દોથી નથી શમતી. પરંતુ સમય ભલભલા ઘા રૂઝાવી શકે છે. નહીંતર તો જીવનક્રમ આગળ ચાલી જ ન શકે.
એક જાણીતી કહેવત છે. રામબાણ વાગ્યા હોય તે જાણે.. સાવ સાચી વાત છે. જેણે કોઇ નિકટનું સ્વજન ગુમાવ્યાની પીડા અનુભવી હોય એ વ્યક્તિ બીજાની પીડા જલદીથી સમજી શકે છે અને એની પીડામાં ભાગીદાર બનીને એ હળવી કરવાનો પ્રયાસ કરી શકે છે.
આલોક ઉદાસ બની આ હોટેલમાં બેઠો હતો. આજે તેની પત્નીની પ્રથમ પુણ્યતિથિ હતી. તેની પત્ની આશકાની આ પ્રિય જગ્યા હતી. અવારનવાર બંને અહીં કોફી પીવા આવતા અને કલાકો ગાળતા.આ હોટેલ તેમની અનેક સુંદર સાંજની સાક્ષી હતી. પણ આજે…. નિતાંત એકલતા તેને ઘેરી વળી. કોફી તો આવી ગઇ હતી. પરંતુ પીવાનું મન ન થયું. સાથે પીનાર કયાં ? કેન્સરે તેની પ્રિય વ્યક્તિને છીનવી લીધી હતી. તેના પ્રાણમાં એક ઉદાસી છવાઇ રહી. અચાનક તેનું ધ્યાન હોટેલના એક ખૂણામાં..કોઇની નજર ન જાય તે રીતે બેસેલ એક યુવતી પર પડી. તેની આંખોમાં પણ તેને ઉદાસીની એક ઝલક નજરે પડી. પરંતુ કદાચ આ તો પોતાના જ મનનું પ્રતિબિંબ…! પોતાની ઉદાસ દ્રષ્ટિને બધે ઉદાસી જ દેખાય છે. છતાં ન જાણે કેમ પણ તેણે તે યુવતીનું નિરીક્ષણ ચાલુ રાખ્યું. ના, ના, આ પોતાને ઉદાસીનું પ્રતિબિંબ નથી જ. ખરેખર તેની આંખોમાં…ચહેરા પર છવાયેલી ઉદાસી..અસ્વસ્થતા તે જોઇ શકતો હતો. કોઇની નજર તેના પર ન પડે તે રીતે તે ચહેરો પાછળ ફેરવી બેઠી હતી. આ તો પોતે એ રીતે બેઠો હતો તેથી તેને જોઇ શકતો હતો.
આલોકે તેના ચહેરાના ભાવ વાંચવાનો પ્રયત્ન કર્યો. ના…ના…કોઇ વાત જરૂર છે જે તેને અસ્વસ્થ બનાવે છે. યુવતીએ માથા પર સુંદર સ્કાર્ફ વીંટેલ હતો. તેનો લંબગોળ ચહેરો, પાણીદાર આંખો, કપાળ પર નાનકડી કાળી બિન્દી, બધું મળીને એક સુંદર વ્યક્તિત્વનો એહસાસ થતો હતો. આ ઉદાસી કયા કારણે ? તેને જાણવાની જિજ્ઞાસા થઇ. પણ એમ અજાણી વ્યક્તિને પૂછાય કેમ ? અને એવું કશું ન નીકળે અને પોતે હાસ્યાસ્પદ બની રહે કે પછી…. જે હોય તે મારે શું ? એમ વિચારી તેણે અભાનપણે હાથમાં કોફીનો કપ ઉપાડયો. આશકાની ઝિલમિલ આંખોનું પ્રતિબિંબ કોફીમાં ઉપસતું હતું કે શું ?
અચાનક હવાની એક લહેરખી આવી. યુવતીના માથા પરનો સ્કાર્ફ ફરફર્યો. યુવતી જાણે બેબાકળી બની ગઇ. તેણે જોશથી સ્કાર્ફ પકડી રાખ્યો..કોઇ જોઇ તો નથી ગયું ને ? તેની નજર ચારે તરફ ફરી રહી. આલોકે પોતાના ચહેરા આડે છાપુ ધર્યું. પણ જે જોવાનું હતું તે તો એક ક્ષણમાં જોવાઇ ગયું હતું. યુવતીના માથા પર વાળ નહોતા..ફકત વાળના અવષેશ જ બચ્યા હતાં. નાના નાના વાળ ઊગવાની શરૂઆત થઇ હતી. આશકા પણ આમ જ…કીમોથેરાપી કરાવ્યા બાદ આમ જ સ્ક્રાફ બાંધી રાખતી…! આમ જ વિહવળ રહેતી..કોઇ તેને જોઇ જાય આ રીતે તે તેને જરાયે પસંદ નહોતું પડતું. પોતે ઘણી વખત આશકાને સમજાવતો.. ‘એમા શરમાવા જેવું શું છે ? શા માટે એવો કોઇ ડર રાખે છે ? તું તારે બિન્દાસ રહે ને…હું છું ને તારી સાથે ?’ પણ આશકા એ પરિસ્થિતિ કયારેય મનથી સ્વીકારી શકી નહોતી. અને રોજ સવારે ઉઠીને પહેલું કામ અરીસામાં જોવાનું કરતી..હવે કેટલા વાળ આવ્યા ? અને ઇચ્છા મુજબનો ગ્રોથ ન દેખાતા તેની વિશાળ આંખોમાં આમ જ ઉદાસી છવાઇ જતી. અને વાળ પૂરા ઊગે તે પહેલાં તો…..
અચાનક આલોકે એક કાગળ લીધો..પેન ઉપાડી અને.. ‘તમે ખૂબ સુંદર છો..તમારી આંખો ખૂબ સુંદર છે. તમારું વ્યક્તિત્વ એટલું સુંદર છે કે કોઈ કમી તેને સ્પર્શી શકશે નહીં. આ દુનિયા ખૂબ સુન્દર છે..માણવા લાયક છે તેને ઉદાસીની ગર્તામાં ધકેલવાની ભૂલ ન કરશો.. જે ક્ષણો ઇશ્વરે આપી છે તેને સંપૂર્ણપણે માણો..! મારી આશકા પણ આમ જ….આલોકે વેઇટરને બોલાવ્યો..કાગળ આપ્યો. અને તે દૂર ચાલ્યો ગયો.
થોડીવાર પછી તેણે દૂરથી યુવતી તરફ નજર નાખી. યુવતીએ કાગળ વાંચ્યો..આસપાસ નજર ફેરવી.. તેની ઉદાસ આંખોમાં એક ચમક ઉપસી આવી. તે ધીમેથી ઊભી થઇ અને ખૂણાની જગ્યા છોડી વચ્ચે આવીને બેસી. હવે તે બધાને જોઇ શકતી હતી. અને બધા તેને જોઇ શકે તેમ હતા. તેણે હળવેથી માથા પરનો સ્કાર્ફ કાઢયો અને આસપાસ નજર ફેરવી રહી. દૂર ઊભેલા આલોકની ઉદાસી પણ જાણે અદ્રશ્ય થઇ ગઇ. ધીમેથી વ્હીસલ વગાડતો તે હોટેલની બહાર નીકળી ગયો. બે સારા શબ્દો પણ કદી ચમત્કારનું કામ કરી શકતા હોય છે.
બીજાને આનંદ આપનાર પોતે કદી આનંદથી વંચિત રહેતો નથી. અત્તરનું પૂમડું બીજાને આપીએ ત્યારે આપનારની હથેળી આપોઆપ ખુશ્બુથી તરબતર બની ઉઠે છે. આનંદ મેળવવાનો સૌથી સચોટ રસ્તો એક જ. બીજાને આનંદ આપો..અને જુઓ ચમત્કાર.. એ પછી આપણને જે ખુશી મળશે એ ભીતરની હોય છે. જલદી નાશ પામતી નથી.
દોસ્તો, એવી ખુશી મેળવવી ગમશે ને 
સૌજન્ય : રીડ ગુજરાતી